news_header_top_970_100
news_header_bot_970_100

Казан мэриясе метроның яңа станцияләре өчен исем сайлау игълан итте

Исемнәр сайланганнан соң, дизайнерлар станцияләрне бизәү концепциясен ясый башлый.

(Казан, 24 апрель, «Татар-информ»). Казан мэриясе шәһәр метросының яңа станцияләренә исем сайлау өчен сораштыру башлап җибәрде. Ул 23 апрельдән 10 майга кадәр дәвам итәчәк.

Беренче этапта мэрия сайтына керүчеләр үзе теләгән исемнәрне тәкъдим итә ала. Алар арасыннан берничә вариант сайлап алыначак һәм аннан соң шәһәр халкы алар өчен тавыш бирә ала.

Исемнәр сайланганнан соң, дизайнерлар станцияләрне бизәү концепциясен эшләячәк. Сайлап алынган исемнәр темасына балалар һәм яшүсмерләр рәсемнәрен куллану тәкъдиме карала.

Апрель башында Казан мэры Илсур Метшин башкала халкының метроның икенче тармагы станцияләре өчен исемнәр сайлый алачагы турында сөйләгән иде. Әлегә алар «Юлиус Фучик урамы», «10нчы микрорайон», «ТАССРның 100 еллыгы» һәм «Академик Сахаров урамы» дип атала.

Станцияләрнең дизайн концепциясенә үткәрелгән бәйге тәмамланмады. Иң башта исемнәрен билгеләргә һәм аларга карап концепциясенә эшләргә карар кылынды. 

news_right_column_1_240_400
news_right_column_2_240_400
news_bot_970_100