Хәвеф-хәтәр 7 февраль 2022 11:31

Казан мэриясе мәктәпләрдә эвакуация турында кисәтте

Шартлаткыч җайланма куелу турындагы аноним хәбәрләр булу сәбәпле, тикшерү үткәрергә кирәк.

Скопировать ссылку

(Казан, 7 февраль, «Татар-информ», Павел Климчак). Бүген Казанның берничә мәктәбендә эвакуация узачак. Бу шартлаткыч җайланма куелу турындагы аноним хәбәрләр белән бәйле. Полиция хезмәткәрләре бу мәгълүматны тикшерергә тиеш.

«Хокук саклау органнары тикшерү вакытында 129, 127, 69, 6, 68, 136, 10, 40, 21, 52, 24, 42, 18, шулай ук 55 һәм 86 мәктәпләрдән укучыларны эвакуацияли. Балаларны якындагы социаль объектларга алып баралар. Ата-аналардан 129 мәктәптә укучыларны килеп алуларын сорыйлар, чөнки балаларны урнаштыру өчен якында туры килә торган социаль объектлар юк», — дип хәбәр иттеләр мэриядә.

Матбугат хезмәтендә ата-аналарның борчылмавын сорыйлар, тынычлык өчен тикшерү үткәрергә кирәк. Аннары балалар мәктәпкә кайтачак.

Сәхифәләр

Казан мэриясе мәктәпләрдә эвакуация турында кисәтте