Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан мэриясе инвалид бала тәрбияләүчеләрнең кайберләренә матди ярдәм күрсәтәчәк
Бу гамәл Казанда 1-10 декабрьгә билгеләнгән инвалидлар ун көнлеге кысаларында башкарылачак
(Казан, 23 ноябрь, «Татар-информ», Миләүшә Низаметдинова). Ноябрь башы мәгълүматлары буенча, Казанда барыгы 90 меңләп инвалид гомер итә, шуларның 3492се – балалар; инвалидларның 1158е – коляскада гына хәрәкәт итә ала.
Бүген Казан шәһәре җитәкчелегенең аппарат киңәшмәсендә чыгыш ясаган ТР хезмәт, мәшгульлек һәм социаль яклау министры урынбасары – Казан шәһәре муниципаль берәмлеге социаль яклау идарәсе башлыгы вазифаларын башкаручы Ирина Просвирякова шундый мәгълүматлар китерде. Ул, икешәр, өчәр инвалид бала тәрбияләүче гаиләләрнең хәле аеруча авыр булуын ассызыклап, ә Казанда андый 67 гаилә исәпләнә, шуларның 60ында балигъ булмаган балалар тәрбияләнә, дип белдерде. Моннан тыш, үзе дә инвалид булган 37 ана инвалид баласын ялгыз тәрбияли.
Һәр елдагыча, инвалидларның хәленә кереп, аларның күңелен күрү өчен, 1-10 декабрьдә Казанда инвалидлар ун көнлеге кысаларында төрле чаралар, акцияләр оештырыла һәм аның аерым программасы бар. И.Просвирякова шулар белән таныштырды.
Киңәшмә барышында мэр Илсур Метшин ике һәм аннан да күбрәк инвалид бала тәрбияләгән гаиләләргә, инвалид баласын тәрбияләүче физик мөмкинлекләре чикле аналарга һәм ата-анасы икесе дә инвалид булган балалы гаиләләргә шәһәр мэриясе матди ярдәм күрсәтәчәк, дип игълан итте. «Әйдәгез, ун көнлек кысаларында каралган чаралардан тыш та бөтен шәһәр белән инвалидларга карата игътибарлылыгыбызны күрсәтик! Физик мөмкинлекләре чикле күршесенең, танышының язмышына беркем дә битараф булмасын иде», - дип, шәһәр башлыгы предприятиеләр, оешмалар җитәкчеләрен исә әлеге ун көнлектә аеруча активлык күрсәтергә чакырды.
Кызыклы яңалыкларны күзәтеп бару өчен Телеграм-каналга язылыгыз