Казан мэриясе балалар йортында тәрбияләнүчеләр өчен Яңа ел бәйрәме оештыра
Казан Ратушасында узачак чарада дүрт меңнән артык бала катнашачак.
Скопировать ссылку
(Казан, 25 декабрь, “Татар-информ”, Ләйлә Хәкимова). Казан мэриясе балалар йортында тәрбияләнүчеләр өчен Яңа ел бәйрәме оештыра. Чарада дүрт меңнән артык бала катнашачак. Бу хакта Хөкүмәт Йортында узган брифингта Казан муниципаль берәмлеге башлыгының беренче урынбасары Евгения Лодвигова әйтте.
“Казан шәһәре мэриясе өч ел рәттән Яңа ел бәйрәмен оештыра. Быел әлеге бәйрәм 26 декабрьдә узачак. Чарада барлыгы дүрт меңнән артык бала катнаша. Бәйрәмгә сәләтле балалар белән беррәттән балалар йортларында тәрбияләнүчеләр дә чакырулы”, - диде ул.
Евгения Лодвигова әйтүенчә, балалар өчен кызыклы бәйрәм программасы һәм бүләкләр дә булачак.