Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан медклиникасының баш табибы медицина белеме турында ялган дипломнар ясауда шикләнелә
«Spina» клиникасының баш табибы «Дәвалау эше» һәм «Мануаль терапия» профиле буенча медицина белеме булу турында ялган дипломнар ясауда шикләнелә. Бу хакта Монополиягә каршы федераль хезмәтнең ТР буенча идарәсе матбугат хезмәте хәбәр итә.
Ведомствога, клиника хезмәткәренең дипломнары чын булуда шикләнеп, мөрәҗәгать килгән. Казан медицина университеты архивы мәгълүматларыннан күренгәнчә, бу табибка медицина белеме булу турында дипломнар бирелмәгән.
Моңа кадәр бу медклиникага, мәгълүмати материалларда белгечләрне һөнәри әзерләү турында дөреслеккә туры килмәгән белешмә булу сәбәпле, кисәтү ясалган. Әмма клиника җитәкчелеге Сәламәтлек саклау өлкәсендә күзәтчелек федераль хезмәте таләпләрен үтәмәгән: дөрес булмаган мәгълүмат әле дә ачык чыганакларда бар.
Шул рәвешле, Монополиягә каршы федераль хезмәтнең ТР буенча идарәсе әлеге фактларны клиника күрсәтә торган медицина хезмәтләре турында клиентларда ялгыш фикер уята торган фактлар буларак тикшерәчәк, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз