news_header_top_970_100
16+
news_header_bot_970_100

Казан медицина академиясе нанотехнологияләрне куллана башлый

Казан дәүләт медицина академиясе ректорының фәнни эш буенча урынбасары Асия Сафина академиянең яшь галимнәренә иң яхшы эшләре өчен бирелә торган Р.Лурий исемендәге еллык премия булдырырга тәкъдим итте

(Казан, 28 гыйнвар, “Татар-информ”, Ләйсән Әсәдуллина). Казан дәүләт медицина академиясе ректорының фәнни эш буенча урынбасары Асия Сафина академиянең чираттагы Гыйльми Совет утырышында, белем бирү йорты оешуына 90 ел тулуга багышлап, яшь галимнәргә иң яхшы эшләре өчен бирелә торган Р.Лурий исемендәге еллык премия булдырырга тәкъдим итте.
Асия Сафина узган ел академиядә алып барылган фәнни эзләнүләр хакында да хисап бирде. Аерым алганда, академия галимнәре тарафыннан арка мие җәрәхәтләрен дәвалау максатыннан, биоинженер конструкциясен эшләү һәм биологик наномолекуляр структураларын җыю өлкәсендә эш алып барыла. Академиядә шулай ук хатын-кызларны сәламәтләндерү һәм балалар арасында авыру, үлү очраклары санын, неврологик, онкологик, хирургия, урологик авыруларны дәвалау ысулларын камилләштерү, заманча технологияләрне кулланып, кешедәге авыруларны нурланыш ярдәмендә диагностикалау, яңа төр даруларны, диагностика җиһазларын эзләү һәм өйрәнү, йөрәк-кан тамырлары авыруларын дәвалау юнәлешләрендә фәнни тикшеренүләр алып барыла.
Асия Сафина әйтеп үткәнчә, апрельдә академиянең 90 еллыгына “Практик медицина” журналын чыгару планлаштырыла.


autoscroll_news_right_240_400_1
autoscroll_news_right_240_400_2
news_bot_970_100