Җәмгыять 5 июнь 2022 15:19

Казан кызы Алинә Гәрәева Балидагы матурлык бәйгесендә Татарстанны тәкъдим итәчәк

Скопировать ссылку

26 яшьлек Казан кызы Алинә Гәрәева Балида узачак Халыкара матурлык һәм талантлар бәйгесендә (Miss Global) Татарстанны тәкъдим итә. Ул – Россиядән әлеге конкурста катнашучы бердәнбер кыз һәм хәзерге вакытта Индонезиядә.

Бәйгенең ярымфиналы 8 июньдә узачак, 11 июньдә җиңүчегә таҗ кидереләчәк. Аның алдыннан конкурста катнашучылар бәйгенең читтән торып үткәрелгән турларында, конференцияләрдә катнашты.

Алинә 1996 елның 5 апрелендә туган. Хәзерге вакытта КФУда, Лев Толстой исемендәге Филология һәм мәдәниятара коммуникацияләр институтының рус һәм чит ил әдәбияты кафедрасында (Рус һәм чит ил филологиясе югары мәктәбе) белем ала. Алинә дүрт тел (рус, татар, инглиз, немец) белә.

Ул моңа кадәр «Краса Татарстана», Miss Planet Russia, «Вице-мисс Россия», «Мисс Азия Россия» һ.б. титулларга лаек булган иде.

Сәхифәләр

Казан кызы Алинә Гәрәева Балидагы матурлык бәйгесендә Татарстанны тәкъдим итәчәк