Җәмгыять 7 июнь 2023 18:50

Казан Кремлендә узачак лекциядә Сабантуйның килеп чыгышы турында сөйләячәкләр

Скопировать ссылку

Бүген Казан Кремлендә Сабантуй турында лекция укыячаклар. Тыңлаучылар татар бәйрәменең килеп чыгышы һәм традицияләре турында беләчәк. Шулай ук спикер Сабантуйның Идел буе халыклары бәйрәмнәренә нәрсә белән охшаганын сөйләячәк.

Лекциядә КФУның Музейлар дирекциясенең Этнография музее мөдире, КФУның Халыкара мөнәсәбәтләр институтының антропология һәм этнография кафедрасы ассистенты Арслан Мингалиев чыгыш ясаячак.

Чара 19:00 сәгатьтә буа янындагы ял зонасында башланачак. Керү ирекле, дип хәбәр ителә Гавами урыннарның Telegram-каналында.

Очрашу «Фәнни чәршәмбе» лекцияләр циклы кысаларында узачак. Проектны КФУ белән берлектә гамәлгә ашыралар. Моңа кадәр казанлыларга милли костюмның көзгесе буларак орнамент һәм Россиянең көнчыгышны өйрәнү серләре турында сөйләделәр.

Сәхифәләр

Казан Кремлендә узачак лекциядә Сабантуйның килеп чыгышы турында сөйләячәкләр