Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан Кремлендә беренче Яңа ел чыршысын уздыру көне билгеле булды
Быел Казан Кремлендә беренче республика чыршы бәйрәме узачак – балалар өчен театральләштерелгән тамаша 22, 23 һәм 24 декабрьдә була. Анда 1-4 сыйныф укучылары – беренче чиратта хәрби операциягә китүчеләрнең балалары чакырулы.
Ә 25 декабрьдә «Татнефть Аренада» традицион рәвештә зуррак балалар өчен республика чыршы бәйрәме узачак. Анда 5-11 сыйныф укучыларын чакыралар.
Искәртеп үтик, Президент Чыршысына Россиякүләм һәм республика бәйгеләре, олимпиадалары җиңүчеләре, иҗтимагый оешмалар активистлары, уку алдынгылары чакырыла. Чаллыдан анда 800дән күбрәк бала катнашачак, дип хәбәр итте Чаллы башкарма комитеты җитәкчесе урынбасары Рамил Хәлимов.
Алдарак Татарстан Президенты Рөстәм Миңнеханов Яңа ел чаралары оештырганда махсус хәрби операциядә катнашучыларның балаларына аерым игътибар бирергә һәм аларны республика чыршы бәйрәмнәренә чакырырга йөкләмә биргән иде.
Искәртеп үтик, Россиядә өлешчә мобилизация 21 сентябрьдән 28 октябрьгә кадәр дәвам итте. Хәрби операция зонасында хезмәткә резервтан 300 меңнән күбрәк кеше чакырылды. 31 октябрьдә Рөстәм Миңнеханов Татарстан Россия Саклану министрлыгының гражданнарны өлешчә мобилизацияләү турындагы бурычын үтәде, дип хәбәр итте.
Кызыклы яңалыкларны күзәтеп бару өчен Телеграм-каналга язылыгыз