Мәдәният 22 гыйнвар 2010 11:53

Казан Кремлендә яңа ел уенчыклары күргәзмәсе ачылды

Казан Кремлендәге “Манеж” күргәзмәләр үзәгендә “Яңа ел уенчыгының бер дә мең кичәсе” исемле күргәзмә ачылды

Скопировать ссылку

(Казан, 22 гыйнвар, “Татар-информ”). Казан Кремлендәге “Манеж” күргәзмәләр үзәгендә “Яңа ел уенчыгының бер дә мең кичәсе” исемле күргәзмә ачылды. Анда Людмила Блатт коллекциясендә саклана торган чыршы уенчыклары тәкъдим ителә.
Людмила Блатт 1900-1980 елларга караган 2500гә якын чыршы уенчыгын, узган гасырда басылган 1000 яңа ел открыткасын җыя. Бай һәм кызыклы экспозициядә килгән халык советлар заманындагы Яңа ел чыршысы уенчыкларын, открыткаларны күрә алачак. Мәсәлән,– кәгазьдән махсус эшләнгән папье-маше дигән катнашмадан ясалган Кыш бабайлар, ялтыравыклы зур күркәләр, калын пыяладан ясалган әстерхан чикләвекләре, мамык уенчыклары, кызылгвардиячеләр, космонавтлар, пионерларның бәләкәй сурәтләре аша советлар заманында яшәгән малайлар һәм кызларның тормышы белән танышырга мөмкинлек була.
Балачакның матур мизгелләрен ачкан күргәзмә белән 15 февральгә кадәр танышып була. Бу турыда Казан Кремленнән хәбәр иттеләр.

Сәхифәләр

Казан Кремлендә яңа ел уенчыклары күргәзмәсе ачылды