Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан Кремлендә Җәмигъ мәчете төзеләчәк урынның кайчан билгеле булачагын әйттеләр
Татарстан Президенты Рөстәм Миңнеханов өчен төзелеш урынын тизрәк билгеләү түгел, ә барлык вариантларны да җентекләп тикшереп, мәчет өчен иң кулай урынны сайлау мөһимрәк, дип искәртте Лилия Галимова.
(Казан, 3 февраль, «Татар-информ», Арсений Кәримов). Казанда Җәмигъ мәчет төзелешенә беренче таш салу Идел буе Болгар дәүләтендә ислам дине кабул ителүнең 1100 еллыгын бәйрәм итүгә багышланган чаралар циклына кертелгән. Шушы вакытта яңа мәчет төзеләчәк урын да билгеле булыр дип көтелә. Бүгенге көндә күп вариантлар карала, тиешле карар шәһәр төзелеше һәм экологик экспертизадан чыгып кабул ителәчәк. ТР Президентының матбугат хезмәте җитәкчесе Лилия Галимова журналистлар катнашындагы брифингта шулай дип белдерде.
«Мәчет төзү өчен күп урыннар каралу сәбәпле, шәһәр төзелеше һәм экологик экспертизалар билгеле бер вакытны алачак. Ә бу күп вакыт таләп итә торган һәм җентекле процесс. Татарстан Президенты Рөстәм Миңнеханов өчен төзелеш урынын тизрәк билгеләү түгел, ә барлык вариантларны да җентекләп тикшереп, мәчет өчен иң кулай урынны сайлау мөһимрәк», — дип искәртте ул.
Кызыклы яңалыкларны күзәтеп бару өчен Телеграм-каналга язылыгыз