news_header_top
16+
news_header_bot
news_top

Казан Кремлендә конструктор Михаил Калашников ясаган ату кораллары күргәзмәсе ачыла

Күргәзмәне Татарстан башкаласына Ижевскиның Калашников музее алып килгән.

(Казан, 27 гыйнвар, “Татар-информ”, Арсений Маврин). Бүген Казан Кремлендәге Артиллерия ишегалды музеенда “Легендар Калашников” дип аталган күргәзмә ачыла. Татарстан башкаласына аны Удмуртиянең Ижевск каласыннан Калашников исемендәге ату кораллары музей-күргәзмә комплексыннан алып килгәннәр.

Корал тарихы белән кызыксынучылар биредә XХ гасырның иң танылган корал ясау остасы Михаил Калашниковның тормыш юлы һәм эшчәнлеге белән таныша алачак. Күргәзмәдә конструкторның шәхси әйберләрен һәм ату кораллары үрнәкләрен күрергә мөмкин.
 

news_right_1
news_right_2
news_bot