news_header_top_970_100
news_header_bot_970_100

Казан Кремлендә Григорий Фридның “Анна Франк көндәлеге” монооперасы булачак

Спектакль 9 майда “Манеж” күргәзмә залында куела.

(Казан, 6 май, “Татар-информ”). 9 майда Казан Кремленең “Манеж” күргәзмә залында “Sforzando” башкару сәнгате үсеш фонды Григорий Фридның монооперасын тәкъдим итә.

“Анна Франк көндәлеге” – балачакларын һәм яшьлекләрен сугыш урлаганнарның гадәти булмаган рух ныклыгы, тормышның һәр мизгеленә сөенә белүе турындагы спектакль.

Быел моноопера Анна Франк партиясен Айсылу Нуруллина башкаруында “Музыкаль театрның иң яхшы актеры” номинациясендә “Тантана” республика театраль премиясенә лаек булды.

Спектакль дирижер Евгений Сакмаров җитәкчелегендәге “Sforzando” яшьләр симфоник оркестры уйнавында башкарыла.

Моноопера режиссеры – Россиянең һәм Татарстанның атказанган артисты Мөнир Соколов. Спектакльдә шулай ук Казан театр училищесы студентлары катнаша.
 

news_right_column_1_240_400
news_right_column_2_240_400
Медиаметрикс
news_bot_970_100