Мәдәният 2 март 2017 21:21

«Казан Кремле» музей-тыюлыгында «Интернетта балалар» күргәзмәсе ачылды

Без кечкенә кулланучыларга Интернетны файдага кулланырга өйрәтергә тиешбез, ди «Казан Кремле» музей-тыюлыгының җитәкчесе Зилә Вәлиева.

Скопировать ссылку

(Казан, 2 март, "Татар-информ"). Бүген «Казан Кремле» музей-тыюлыгының «Манеж» күргәзмә залында «Интернетта балалар» күргәзмәсе ачылган. Башлангыч сыйныф балалары өчен махсус булдырылган күргәзмә уен аша балаларга һәм аларның әти-әниләренә Интернетта үз-үзләрен дөрес тоту турында сөйләячәк. Бу хакта Татарстан Республикасы Мәдәният министрлыгы матбугат хезмәте хәбәр итә.

«Интернет – белем бирү, иҗат, аралашу өчен бик мөһим мәйданчык. Аеруча балалар һәм яшүсмерләр өчен. Ул инде күптән безнең көндәлек тормышка керде. Ләкин уңай яклары белән беррәттән, Интернетның тискәре, зыянлы ягы да бар. Шуңа күрә без кечкенә кулланучыларга Интернетны файдага кулланырга өйрәтергә тиешбез. Өстәвенә, бу күргәзмәдә балаларга бик кызык һәм күңелле булыр дип уйлыйбыз», - дип белдергән «Казан Кремле» музей-тыюлыгының җитәкчесе Зилә Вәлиева матбугат хезмәтенә.

#Зилә Вәлиева #Казан Кремле #Манеж

Сәхифәләр

«Казан Кремле» музей-тыюлыгында «Интернетта балалар» күргәзмәсе ачылды