Казан консерваториясендә Халыкара музыка көнендә татар, рус һәм чит ил әсәрләре яңгырады
Скопировать ссылку
Кичә Салих Сәйдәшев исемендәге Дәүләт Зур концертлар залында Юнеско каршындагы Халыкара музыка Советы инициативасы белән Халыкара музыка көненә багышланган бәйрәм концерты булды.
«Бер сәхнәдә Нәҗип Җиһанов исемендәге Казан дәүләт консерваториясенең Кытай, Вьетнам, Эквадор, Азәрбайҗан, Казахстан, Таҗикстан, Боливиядән килгән Россия һәм чит ил студентлары чыгыш ясады. Концертта татар, рус һәм чит ил композиторларының тынлы һәм кыллы оркестр уен коралларында, арфа, фортепиано һәм органда башкарылган әсәрләр яңгырады. Тыңлаучылар яшь Кытай вокалистларының рус һәм татар классик әсәрләрен оригинал телендә башкаруларын ишетә алды», – дип хәбәр итте «Татар-информ»га консерваториянең матбугат хезмәте.