Мәдәният 23 декабрь 2009 16:37

Казан консерваториясендә виолончель музыкасы яңгыраячак

Бүген Нәҗип Җиһанов исемендәге Казан дәүләт консерваториясенең кече залында Россиянең атказанган артисты профессор Альберт Әсәдуллинга - 60 һәм иҗатына 35 ел тулуга багышланган виолончель музыкасы кичәсе узачак

Скопировать ссылку

(Казан, 23 декабрь, “Татар-информ”). Бүген Нәҗип Җиһанов исемендәге Казан дәүләт консерваториясенең кече залында Россиянең атказанган артисты профессор Альберт Әсәдуллинга - 60 һәм иҗатына 35 ел тулуга багышланган виолончель музыкасы кичәсе узачак.
Альберт Әсәдуллин 1949 елның 16 октябрендә туа. 1973 елда - Казан консерваториясен, 1976 елда Ленинград консерваториясен тәмамлый. 1980 елдан Казан консерваториясенең кыллы квартетында виолончельдә уйный. 2003 елда аңа профессор дәрәҗәсе бирелә. Альберт Әсәдуллин актив концерт эшчәнлеген дә алып бара. Татарстан Республикасы Дәүләт квартеты составында Россия шәһәрләрендә, Алмания, Франция, Голландия, Чехия, Италия, Словакия, Бөекбритания илләренә гастрольләргә чыга.
Бүгенге концертта урта махсус музыка мәктәпләре укучылары, консерватория студентлары һәм мөгаллимнәре чыгыш ясаячак, дип хәбәр итә Казан дәүләт консерваториясенең рәсми сайты.

Сәхифәләр

Казан консерваториясендә виолончель музыкасы яңгыраячак