Казан консерваториясе думбрада уйнау буенча осталык дәресе бирә
Дәресне Жургенов исемендәге Казах милли сәнгать академиясе укытучысы Сырым Нурмолдин үткәрә.
(Казан, 19 март, «Татар-информ»). Бүген Казан дәүләт консерваториясендә думбрада уйнау буенча ачык осталык дәресе була. Бу хакта Казан консерваториясе доценты Геннадий Макаров хәбәр итә.
Дәресне Жургенов исемендәге Казах милли сәнгать академиясе укытучысы Сырым Нурмолдин үткәрә. Ул казак (төрки-кыпчак) думбрасында башкаруның төп уйнау алымнарына аңлатмалар бирәчәк, Казахстанның төрле өлкәләренә хас казак халык көйләренең өслүб (стиль) үзенчәлекләре турында сөйләячәк”, - ди Геннадий Макаров.
Ачык дәрес Н.Җиһанов исемендәге Казан дәүләт консерваториясенең Татар музыкаль сәнгате факультеты бинасында була.
Башлана 17.00. Керү ирекле.