Мәдәният 15 октябрь 2009 16:02

Казан композиторының “Вий” операсы Йошкар-Олада күрсәтеләчәк

10 ноябрьдә Мари Иленең Эрик Сапаев исемендәге дәүләт һәм балет театры сәхнәсендә Казанның яшь композиторы Елена Анисимованың Николай Гогольнең “Вий” әсәре буенча язылган камера операсы тәкъдим ителәчәк

Скопировать ссылку

(Казан, 15 октябрь, “Татар-информ”). 10 ноябрьдә Мари Иленең Эрик Сапаев исемендәге дәүләт һәм балет театры сәхнәсендә Казанның яшь композиторы Елена Анисимованың Николай Гогольнең “Вий” әсәре буенча язылган камера операсы тәкъдим ителәчәк. Режиссер Мөнир Соколов куйган операда солистлар булып Н.Җиһанов исемендәге Казан дәүләт консерваториясе Опера студиясе студентлары чыгыш ясый.
Опера җиде сәхнә өлешеннән тора. Аның эчтәлегендә кешенең үз гөнаһларына, йомшак якларына каршы рухи көрәше чагылыш таба. Консерватория студентлары Гоголь геройларын уйнаганда үзенчәлекле бер атмосфера тудыра. Консерваториянең Юрий Карпов җитәкчелегендәге оркестр музыкаль эффектларны зур осталык белән җиткерә.
Опера беренче тапкыр 12 мартта Казанның С.Сәйдәшев исемендәге Зур дәүләт концерт залында сәхнәләштерелә. 23 мартта аны Удмуртия Республикасы халкы күрә. Якын көннәрдә “Вий” операсын Ульяновск һәм Саранскида тәкъдим итү планлаштырыла, дип хәбәр итә ТР Мәдәният министрлыгының матбугат хезмәте.

Сәхифәләр

Казан композиторының “Вий” операсы Йошкар-Олада күрсәтеләчәк