«Казан» командасы «Идел буе» Яшүсмерләр футбол лигасында җиңүче булды
Скопировать ссылку
2009 елда туган уенчыларны туплаган «Казан» футбол командасы «Идел буе» Яшүсмерләр футбол лигасы беренчелегендә алтын медаль яулады. Сезонның 16 августта узган йомгаклау матчында безнең спортчылар «Челябинск-ОСШ» командасын 3:1 исәбе белән җиңде һәм үз төркемендә иң көчлесе икәнен исбатлады. Сезон барышында казанлылар «Нефтехимик», «Зенит-Ижевск», «Челябинск-ОСШ» һәм «Звезда» командаларын артта калдырды.
Шәһәр башкарма комитетының Физик культура һәм спорт комитеты хәбәр итүенчә, футболчыларны бу җиңүгә тренер Рөстәм Кәнипов алып килгән.