Хәвеф-хәтәр 16 май 2018 14:16

Казан кешесе үги улын җәберләүдә шикләнелә

51 яшьлек үги ата мәктәптән соң ял итәргә теләгән малайга җәза биргән.

Скопировать ссылку

(Казан, 16 май, “Татар-информ”). Казан кешесе үги улын җәберләүдә шикләнелә. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Тикшерүчеләр март аенда исерек үги ата сөяркәсенең диванда ял итүче 13 яшьлек улына ямьсез сүзләр әйтеп, кулы белән битенә басуын, аннан чәчәләреннән эләктереп алуын ачыклаган. Икенче көнне, шулай ук исерек килеш, 51 яшьлек ир-ат әнисе алдында малайны колакларыннан, чәченнән фатир буйлап сөйри башлаган.

Ир-ат үзенең кыланышын мәктәптән кайткан малайның шунда ук дәресләрен әзерләмичә, ял итүе белән аңлаткан.

Ир бала үги атасының кыланышлары турында социаль хезмәткәргә сөйләгән. Үги ата җинаятькә катнашы барын өлешчә генә таныган.

Бу кешегә карата “Балигъ булмаганны җәберләү” маддәсе буенча җинаять эше ачылган.

#җинаять

Сәхифәләр

Казан кешесе үги улын җәберләүдә шикләнелә