Хәвеф-хәтәр 14 ноябрь 2017 20:45

Казан кешесе, банк картасының яшерен мәгълүматларын әйтеп, 100 мең акчасын урлаткан

Шалтыраткан явыз ниятле кешенең телефон номеры Мәскәүдә теркәлгән булуы ачыкланган.

Скопировать ссылку

(Казан, 14 ноябрь, “Татар-информ”). 49 яшьлек Казан кешесе кичә “Заречье” терәк пунктында мошенниклар аркасында зур күләмдә акчасыннан мәхрүм калуын хәбәр иткән. Бу хакта Россия Эчке эшләр министрлыгының Татарстан Республикасы буенча матбугат хезмәтеннән хәбәр иттеләр.

Казанда яшәүче кеше таныш булмаган берәүнең аңа “Сезнең банк картагызны куллану туктатылган (блокировкаланган)” дигән смс-хәбәр җибәрүе турында сөйләгән. Үзен банк хезмәткәре дип таныткан ир-ат картаны кабат куллануга куям, дип, күпме акчасы барлыгын белгән. Зыян күрүче аңа пароль һәм картаның яшерен кодын биргән.

Шул рәвешле, Казан кешесенең хисабыннан 106 мең сум акча алынган. Әлеге факт буенча полицейскийлар оператив-эзләү чаралары үткәрәләр. Шалтыраткан явыз ниятле кешенең телефон номеры Мәскәүдә теркәлгән булуы ачыкланган.

#мошенник

Сәхифәләр

Казан кешесе, банк картасының яшерен мәгълүматларын әйтеп, 100 мең акчасын урлаткан