Җәмгыять 31 март 2023 20:24

Казанда автомобиль һәм велосипедның тузган тәгәрмәчләрен эшкәртүгә тапшырырга була

Скопировать ссылку

2 апрельдә Татарстан башкаласында автомобильнең һәм велосипедның тузган шиннарын җыю буенча экологик акция узачак. Җыелган икенчел чималны эшкәртәләр һәм аннан резин плитә ясыйлар. Аерым алганда, ул балалар мәйданчыкларына җәю өчен кулланыла.

Тузган шиннарны Теләче районындагы заводка илтәчәкләр, анда аларны өч өлешкә бүләләр — шин валчыгы, текстиль һәм металл корд. Шуннан соң шин валчыгына клей өстиләр һәм резин плитәлар ясыйлар. Бу хакта Казан мэриясе сайтында хәбәр ителә.

Шиннар 10:00-12:00 сәгатьләрдә Җиңү проспекты, 141 адресы буенча сәүдә үзәкләренең берсенең ачык парковкасында кабул ителә, диелә «Вконтакте» социаль челтәрендәге «ЭкоЛогично» төркемендә.

Сәхифәләр

Казанда автомобиль һәм велосипедның тузган тәгәрмәчләрен эшкәртүгә тапшырырга була