Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан кафесында атыш оештыручыда полицейскийлар ике граната тапкан
Низаг вакытында ир травматик пистолетын алган һәм берничә тапкыр һавага аткан.
(Казан, 25 март, «Татар-информ»). Казан кафесында атыш оештыручыда полицейскийлар ике граната тапкан. Бу хакта «Татар-информ»га Россия Эчке эшләр министрлыгының Казан буенча идарәсе матбугат хезмәтендә хәбәр иттеләр.
Агентлыкка хәбәр итүләренчә, әлеге хәл Шамил Усманов урамындагы кафега керү юлында бүген төнге өченче яртыда булган.
Полицейскийларга үзе сөйләвенчә, ир-ат кафеда эчкән һәм урамга тәмәке тартырга чыккан. Аның әйтүенчә, анда аңа егетләр компаниясе бәйләнгән. Низаг вакытында ир травматик пистолетын алган һәм берничә тапкыр һавага аткан.
«Полиция хезмәткәрләре ачыклаганча, ир-атның корал йөртергә рөхсәте бар. Анда тагын ике имитацион граната да табылган», - дип сөйләделәр агентлыкка Россия Эчке эшләр министрлыгының Казан буенча идарәсе матбугат хезмәтендә.
40 яшьлек ир-атның элеккеге полицейский булуы турындагы хәбәрнең дөреслеге расланмаган. Ул Казанның бер хәрби частендә хезмәт иткән хәрби пенсионер.
Матбугат хезмәтендә хәбәр итүләренчә, хәзерге вакытта полицейскийлар бу хәлнең барлык нечкәлекләрен ачыклый. Тикшерү нәтиҗәләре буенча процессуаль карар кабул ителәчәк.
Кызыклы яңалыкларны күзәтеп бару өчен Телеграм-каналга язылыгыз