Казан ирекле көрәш буенча Татарстан беренчелеген кабул итәчәк
180 спортчы ун үлчәү категориясендә көрәшәчәк.
Скопировать ссылку
(Казан, 9 октябрь, “Татар-информ”). Казан егетләр һәм кызлар арасында ирекле көрәш буенча Татарстан беренчелеген кабул итәчәк. Бу хакта Татарстан Спорт министрлыгы матбугат хезмәте хәбәр итә.
11 октябрьдән 13 октябрьгә кадәр узачак турнирда Казан, Чаллы, Түбән Кама, Әлмәт, Зәй, Мамадыш, Тәтеш һәм Алабуга шәһәрләре, шулай ук Лаеш, Биектау, Алексеевск, Тукай һәм Саба районнары спортчылары катнаша.
Хәзерге вакытта ярышта катнашу өчен 180 спортчы - 120 егет һәм 60 кыз теркәлгән. Спортчылар ун үлчәү категориясендә көрәшәчәк.