Казан ипподромында Яңа ел бәйрәме узачак

Ипподромда кунаклар һәм шәһәр халкы атларда йөри алачак.

Скопировать ссылку

(Казан, 2 гыйнвар, “Татар-информ”). Казан ипподромында 6 гыйнварда чанада шуарга, атларда йөрергә мөмкин булачак. Бу хакта оештыручылар хәбәр итә.

Бәйрәм программасы 14.00 сәгатьтә башлана һәм өч сәгать дәвам итә. Шулай ук биредә фотозона да эшләячәк.

Кунакларны кайнар чәй, татлы ризыклар белән сыйларга вәгъдә итәләр, призлар һәм бүләкләр уйнатылачак.

Ипподромда Яңа ел чыршысы йорты – “Хан сарае” эшләячәк. Катокта тимераякта шуарга мөмкин булачак.

Биредә шулай ук туңмый торган фонтан һәм балалар өчен уен мәйданы була.

#ипподром