news_header_top
Руc Тат
16+
news_header_bot
news_top
Дин 26 гыйнвар 2023 08:40

Казан имамнары “Мөхәммәдия”дә дини кадрларны әзерләү барышы белән танышты

Скопировать ссылку

25 гыйнварда Казан шәһәре Совет районы мөхтәсибәте имамнарының җыелышы булып узды. Хәзрәтләр күчмә утырышны яңартылган «Мөхәммәдия» мәдрәсәсендә үткәрде. Утырыш Казан шәһәренең баш мөхтәсибе Рөстәм хәзрәт Вәлиуллин җитәкчелегендә үткәрелде. Бу хакта Татарстан мөселманнары Диния нәзарәте матбугат хезмәте хәбәр итә.

«Гаилә» мәчете имам-хатыйбы Рөстәм хәзрәт Хәйруллин, Казан имамнарына мөрәҗәгать итеп, шәкертләрнең практикасын оештыру, абитуриентлар белән эш алып бару мәсьәләләрдә хезмәттәшлек урнаштыру тәкъдимнәре белән чыкты, шулай ук «Мөхәммәдия»дә Баруди һәм мәдрәсә тарихы музеен булдыру буенча планнар белән уртаклашты.

Казанның баш мөхтәсибе Рөстәм хәзрәт Вәлиуллин килеп туган вәзгыятьтән чыгып, 2022 елда хәрби полигонда намаз уку бүлмәсенә йөреп дини эшчәнлек алып бару өчен җәлеп ителгән имамнарга аерым рәхмәт сүзләрен җиткерде. Җыелыш барышында мәчетләрдә җомга намазлары, мәҗлесләр алып бару, татар телен үстерү, мәгърифәтчелек, дәгъвәт юнәлешләрен үстерү буенча мәсьәләләр күтәрелде.

Бүгенге көндә Казанның Совет районы мөхтәсибәтендә 26 мәчет эшли. Үткән ел мөхтәсибәттә яңа мәчет ачылды. 28 сентябрьдә «Рауза» мәчете үз ишекләрен ачты, диелә хәбәрдә.

news_right_1
news_right_2
news_bot