Спорт 1 март 2010 10:54

Казан җиңел атлеты Елена Мигунова Доха шәһәрендә узучы дөнья чемпионатына бара

Казан җиңел атлеты, Пекин Олимпиадасының көмеш призеры Е.Мигунова 4x400 метрлы эстафетада катнашу өчен җыелма команда составына кертелде

Скопировать ссылку

(Казан, 1 март, “Татар-информ”). Бөтенроссия җиңел атлетика федерациясе президиумы утырышында җиңел атлетика буенча дөнья чемпионатына барачак Россия җыелма командасының башлангыч составы билгеләнде. Дөнья беренчелеге 12-14 март көннәрендә Доха шәһәрендә узачак.
Казан җиңел атлеты, Пекин Олимпиадасының көмеш призеры Елена Мигунова 4x400 метрлы эстафетада катнашу өчен җыелма команда составына кертелде. Мәскәүдә узган ил чемпионатында Мигунова 400 метрлы дистанциягә йөгерүдә бронза медаль яулады.
Җиңел атлетика федерацияләре Халыкара ассоциациясенә соңгы заявка 1 мартта ук җибәреләчәк, дип хәбәр итә федерациянең матбугат хезмәте.
Бөтенроссия җиңел атлетика федерациясе шулай ук баш тренерлар советы тәкъдиме белән дөнья чемпионатында команда чыгышларының башлангыч планын (10 медаль, шуларның дүртесе – алтын, өчесе – көмеш, өчесе – бронза) раслады. Хәлиткеч план алда торган дөнья чемпионатында катнашучы илләрнең милли чемпионатлары төгәлләнгәч һәм нәтиҗәләргә анализ ясаганнан соң килештереләчәк.

Сәхифәләр

Казан җиңел атлеты Елена Мигунова Доха шәһәрендә узучы дөнья чемпионатына бара