Казан һәм Түбән Новгород аэропортларында очышларга вакытлыча чикләүләр кертелде
Скопировать ссылку
Казан һәм Түбән Новгород аэропортларында һава судноларын кабул итүгә һәм чыгаруга вакытлыча чикләүләр кертелгән. Бу хакта 5.30 да Росавиация матбугат сәркатибе Артем Кореняко үзенең Telegram-каналында хәбәр итте.
Һава суднолары экипажлары, авиадиспетчерлар һәм аэропорт хезмәтләре очышларның куркынычсызлыгын тәэмин итү өчен барлык кирәкле чараларны күрәләр, дип ассызыклады профильле ведомство вәкиле.
Cоңрак, 5.45 тә, Кореняко хәбәр иткәнчә, 5.30дан Түбән Каманың «Бигеш» аэропортында да очышларга чикләүләр кертелгән.