Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан Халыкара компетенцияләр үзәгендә заманча остаханәләр эшли башлады
Мәйданчыклар ХХI гасыр икътисады өчен белгечләр чыгарачак һәм WorldSkills стандартлары буенча аттестация урыны булачак.
(Казан, 28 декабрь, «Татар-информ»). Казанда Халыкара компетенцияләр үзәге базасында биш яңа остаханә ачылды. Мәйданчыклар җитмештән артык эш урынын сыйдыра, аларда Татарстан икътисады өчен заманча белгечләр әзерләячәкләр. Бу хакта Татарстан Мәгариф һәм фән министрлыгы матбугат хезмәте хәбәр итә.
Яңа остаханәләр мәгълүмати кабельле челтәрләр, челтәрле һәм системалы администрацияләү, бизнес өчен IT-чишелешләр, шулай ук мультимедиа кушымталары һәм виртуаль чынбарлык эшләнмәләрен әзерләү белән шөгыльләнәчәк.
«Заманча җайланмалар белән җиһазландырылган яңа мәйданчыклар ачу булачак белгечләрдә ХХI гасыр компетенцияләрен формалаштыруга, укучыларның белем алу казанышларын бәяләүнең яңа формаларын үстерүгә ярдәм итәчәк», — диделәр Татарстан Республикасы Мәгариф һәм фән министрлыгында.
Анда яңа остаханәләр WorldSkills стандартлары буенча укучыларның арадаш һәм йомгаклау аттестациясен уздыру өчен мәйданчык сыйфатында куланыла алачак, дип өстәделәр.
Декабрь башында «Татар-информ» мәгълүмат агентлыгы Казан мәгълүмат технологияләре һәм элемтә техникумы исемен һәм Халыкара компетенцияләр үзәгенә күчерү турында хәбәр итте. Тиешле карарны ул вакытта ТР Премьер-министры Алексей Песошин имзалады.
Кызыклы яңалыкларны күзәтеп бару өчен Телеграм-каналга язылыгыз