Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан гимнастлары Франциядә узган Халыкара цирк артистлары фестивале призерлары булды
Казан циркының балалар мәктәбе укучылары Владимир Серов, Елизавета Демидова, Ярослав Краснов һәм Ксения Семенова Сен-Поль-ле-Дакс шәһәрендә (Франция) узган XXIII Халыкара цирк артистлары фестивалендә көмеш медальгә һәм тамашачылар мәхәббәте призына лаек булганнар.
«Бамбуктагы һава гимнастлары» парлы синхрон номеры жюри әгъзаларында да, тамашачыларда да көчле тәэсир калдырган. Укучыларның педагогы – ТРның атказанган сәнгать эшлеклесе Светлана Шарапова, учреждениенең сәнгать җитәкчесе – Илдар Игумнов, дип хәбәр итә Казан циркының матбугат хезмәте.
Цирк мәктәбендә балалар жонглёрлык, клоунада серләренә өйрәнәләр, акробатика, гимнастика, хореография, пантомима һ.б. белән шөгыльләнәләр. Биредә тәрбияләнүчеләр элегрәк тә Парижда, Монте-Карлода һәм Ригада узган фестивальләрдә лауреат булганнар.
Сентябрьдә Казан циркының балалар мәктәбе укучылары Мәскәүдә «Артист» халыкара фестивалендә алтын медаль яулады. Владимир Серов һәм Елизавета Демидова, бамбукта һава номеры башкарып, «Юниор» номинациясендә беренче булдылар.
Кызыклы яңалыкларны күзәтеп бару өчен Телеграм-каналга язылыгыз