Җәмгыять 1 октябрь 2026 09:27

«Казан» гаилә үзәгенең күзәтү мәйданчыгы көзге эш графигына күчә

Скопировать ссылку

1 октябрьдән «Казан» гаилә үзәгенең күзәтү мәйданчыгы көзге эш режимына күчә, дип хәбәр иттеләр Парклар һәм скверлар дирекциясендә.

Хәзер шәһәрнең тарихи үзәгенә һәм Казансу елгасына ачылучы гүзәл манзараларны һәр көнне сәгать 10:00 нан 20:00 гә кадәр тамаша кылырга мөмкин булачак. Техник тәнәфес 14:30 дан 15:00 кә кадәр каралган.

Җәйге чорда – май аеннан октябрьгә кадәр – күзәтү мәйданчыгына 242 мең 963 тән артык кеше килгән.

Шәһәр күренешләрен караудан тыш, кунаклар өчен «Уч төбендәге Казан» («Казань – город на ладони») тавышлы юл күрсәткече дә бар. Бәяләр, ташламалар һәм күзәтү мәйданчыгына керү кагыйдәләре турында тулырак мәгълүматны сайттан табарга була.

Сәхифәләр

«Казан» гаилә үзәгенең күзәтү мәйданчыгы көзге эш графигына күчә