Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Казан» гаилә үзәге янында Яңа ел чыршысын урнаштыра башладылар
Татарстан башкаласында «Казан» гаилә үзәге янындагы мәйданда казылган чокырлар барлыкка килде – Тышкы төзекләндерү комитетында аңлатуларынча, алар Яңа ел чыршысын урнаштыру эшләренең башы.
«Бүген иртә белән эшчеләр светодинамик чатырны беркетү өчен чокырлар бораулый башлады. Казанда төп Яңа ел чыршысын һәрчак иртә урнаштыра башлыйлар, эшләрне башлауның иң соңгы көне – 1 ноябрь. Бу эшне вакытында төгәлләргә кирәк, дип ачыклык керттеләр «Татар-информ»га комитетта.
Чыршы өстендәге 1280 лампочкадан торган «балкып тора торган гөмбәз» 32 терәккә беркетелә. Хәзерге вакытта шуларны кую эшләре бара. Бәйрәм мәйданында беренче булып нәкъ шул терәкләр барлыкка киләчәк.
Искәртеп узабыз, элегрәк «Татар-информ» «Казан» гаилә үзәге каршына Яңа ел чыршысын кую Казанга 14,8 миллион сумга төшәчәген хәбәр иткән иде. Дәүләт сатып алулары сайтындагы тендердан күренгәнчә, эшләрне 20 декабрьдә тәмамлау планлаштырыла.
Кызыклы яңалыкларны күзәтеп бару өчен Телеграм-каналга язылыгыз