Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казан федераль университетында нәшрият эше юнәлеше ачылды
Казан федераль университетының Филология һәм мәдәниятара багланышлар институтында бакалавриатның «Нәшрият эше. Мәгълүмат мохитенең дизайны» дигән яңа программасына абитуриентлар җыялар. Бу хакта университетның матбугат хезмәте хәбәр итә.
Укырга керүчеләргә 20 максатчан урын бирелгән, аны Татарстан Республикасы финанслый. Шулай ук абитуриентлар түләүле урыннарга да гариза бирә ала.
«2022 елда бу программаны ачу өчен лицензия алдык. «Татмедиа» АҖ һәм Татарстан китап нәшрияты белән уку планы эшләнде. Аңа заманча нәшрият бизнесы, менеджмент, маркетинг, нәшрият эшендә һәм медиаөлкәдә дизайн һәм иллюстрацияләү кергән. Моннан тыш, студентлар компьютер версткасын, веб-дизайнны үзләштерәчәк, рус, татар, инглиз телләрендә текстларны редакцияләргә һәм төзәтергә, шулай ук нәшрият эшендә филологик аспектларны өйрәнәчәк», - диде Филология һәм мәдәниятара багланышлар институты директоры Рәдиф Җамалетдинов.
Аның сүзләренчә, студентларның барлык лекцияләре һәм практик дәресләре компьютер, интерактив такта белән җиһазланган күпфункцияле аудиторияләрдә узачак.
«Нәшрият эше: мәгълүмати мохит дизайны» программасы - бик кирәкле юнәлеш. Креатив индустрияләр өлкәсендәге заманча предприятиеләр, нәшрият һәм реклама фирмалары, массакүләм мәгълүмат чаралары нәкъ менә шушы профиль белгечләрен көтә», - диде ул.
Укыту программасында «График сәнгать нигезләре», «Иллюстрацияләүдә рәсем практикасы», «Графика һәм график иллюстрацияләре» кебек иҗади дисциплиналар булу сәбәпле, укырга килүчеләр портфолио тәкъдим итәргә тиеш, диде Филология һәм мәдәниятара багланышлар институтының татаристика һәм мәдәният белеме кафедрасы мөдире Лилия Мөхәммәтҗанова.
2017 елдан Филология һәм мәдәниятара багланышлар институтында График дизайны һәм нәшрият эше укыту-фәнни лабораториясе бар. Биредә студентлар практика уза, проектларны тормышка ашыра, шулай ук авторлык басмаларын эшли алачак. Студентларны нигездә практик белгечләр, докторлар һәм фәннәр кандидатлары, рәссамнар һәм дизайнерлар берлеге әгъзалары укыта.
Уку вакытында студентларның зур компанияләргә урнашу мөмкинлеге була. Алар анда беренче һөнәри тәҗрибәләрен туплаячак.
Кызыклы яңалыкларны күзәтеп бару өчен Телеграм-каналга язылыгыз