Җәмгыять 20 гыйнвар 2010 18:48

Казан елгачылары кышкы навигация маршрутын киңәйтергә планлаштыра

Алар Түбән Ослан, Ключище һәм Кама Тамагы белән кышкы элемтәне җайга салырга ниятли

Скопировать ссылку

(Казан, 20 гыйнвар, «Татар-информ», Ирина Игнатьева). Казан елгачылары Түбән Ослан, Ключище һәм Кама Тамагы белән кышкы навигация маршрутын киңәйтергә планлаштыра. Бу хакта “Татар-информ” мәгълүмат агентлыгы хәбәрчесенә Казан елга пассажир агентлыгының генераль директоры Александр Бабурин белдерде.
Аның сүзләренчә, яңа юнәлешләрдә пассажирларны йөртү мәсьәләсен җентекләп уйларга кирәк. Элек пассажирларны кышын йөртә торган һава мендәре урнаштырылган өстәмә суднолар сатып алу мәсьәләсен хәл итәргә кирәк. Бу маршрутларда пассажирлар агымы нинди булуын да өйрәнергә кирәк.
Сүз уңаеннан, Казан-Югары Ослан маршрутында көндәлек пассажирлар агымы 200 пассажирга кадәр, ә 2009 елның гыйнварында көненә 160 кеше булган. Пассажирларны судноларның ышанычлы, уңайлы булуы һәм юл хакы арзанрак булу җәлеп итә, дип саный А. Бабурин. Ә юл хакына килгәндә, Казаннан Югары Осланга кадәр билет бәясе 62 сум тәшкил итә.

Сәхифәләр

Казан елгачылары кышкы навигация маршрутын киңәйтергә планлаштыра