Фән һәм мәгариф 11 декабрь 2014 13:13

Казан элемтә электр техникумы Ачык ишекләр көне үткәрә

Сорауларны алдан бирү мөмкинлеге каралган

Скопировать ссылку

(Казан, 11 декабрь, “Татар-информ”). Бу атна шимбәсендә, 13 декабрь көнне сәгать 11дә, Казан элемтә электр техникумында Ачык ишекләр көне уздыра.

Аның кысаларында абитуриентлар һәм аларның әти-әниләре техникум җитәкчеләре белән очрашып, белгечләр әзерләү юнәлешләре белән таныша, әзерлек курслары эше хакында мәгълүмат ала һәм 2015 елда укуга кабул итү үзенчәлекләре белән таныша ала.

ТР Мәгълүматлаштыру һәм элемтә министрлыгының матбугат хезмәте шул хакта игълан итте.

Сорауларны ket@tehsv.kazan.ru электрон почтасына җибәрергә яисә кабул итү комиссиясенә 272-12-03 телефон номеры буенча алдан биреп була. Техникум исә Казанның Совет районында Галиев урамы, 3а адресы буенча урнашкан, очрашу актлар залында уздырыла.

Сәхифәләр

Казан элемтә электр техникумы Ачык ишекләр көне үткәрә