Казан егете Шанхайга дүрт айлык велосипед сәяхәтен тәмамлады
Казаннан Кытайга велосипедта сәяхәт иткән спорт психологы Александр Локалов үз маршрутының соңгы ноктасына – Шанхайга барып җиткән. Сәяхәтнең тәмамлануы турында ул социаль челтәрдәге каналында хәбәр итә.
Фото: Александр Локаловның социаль челтәрдәге битеннән
Сәяхәт 128 көн дәвам иткән. Бу вакыт эчендә Локалов Россия, Казахстан, Монголия һәм Кытай территорияләре аша 9283 км юл үткән.
Сәяхәтне ул ялгызы башкара. Аңа юлда салкыннар, көчле җил, катлаулы калкулыклар белән очрашырга туры килә . Монголиядә төннәрен температура -10 градуска кадәр төшә, ә Александрга палаткада кунарга туры килә.
Кыенлыкларга карамастан, Локалов билгеләнгән максатка таба хәрәкәтен дәвам итә. Юлда аңа берничә мәртәбә таныш булмаган кешеләр булыша: ашарга, кунарга урын һәм сәфәрне оештыруда ярдәм тәкъдим итәләр.