Казан “Динамо”сы волейболчы кызлары Чехия командасын җиңде
Җавап уенында Татарстан башкаласы командасы үз мәйданында Чехиянең “Оломоуц” командасын отты.
(Казан, 27 гыйнвар, “Татар-информ”, Алексей Анисимов). “Динамо-Казан” хатын-кызлар волейбол командасы 26 гыйнварда, Европа волейбол конфедерациясе Кубогы 1/16 финалы җавап уенында Чехиянең “Оломоуц” командасын 3:0 исәбе белән отты.
Финалның 1/16 стадиясендә бу ике команда арасында беренче матч ике атна элек булган иде. Ул чакта Казан кызлары 25:16 исәбе белән җиңде. Шул чордан Чехия волейболчылары дүрт матчта уйнады, шуларның икесендә җиңде, ә икесен оттырды. Казан командасы исә Европа волейбол конфедерациясе Кубогы уеннары арасында чемпионатның өч матчын үткәрде. Аларның икесендә (Мәскәү “Динамо”сы белән һәм өйдән читтә “Уралочка-НТМК” командасына каршы) биреште.
Бу юлы “Динамо”ның 3:0 исәбе белән җиңүе һәм Европа волейбол конфедерациясе Кубогы 1/8 финалына чыгуы – клубның генераль директоры туган көненә бүләк булды.
Волейбол, хатын-кыз командалары арасында Европа волейбол конфедерациясе Кубогы. 1/16 финал. Җавап матчы.
“Динамо-Казан” (Казан, Россия) – “Оломоуц” (Оломоуц, Чехия) – 3:0 (25:11, 25:16, 25:16).