Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан Дәүләт автоинспекциясе вәкиле: Төп максат – бәхетсезлек очракларын булдырмау
![Казан Дәүләт автоинспекциясе вәкиле: Төп максат – бәхетсезлек очракларын булдырмау](https://tatar-inform.tatar/resize/shd/images/uploads/news/2024/5/31/da923f9242f0797306a6ab6e268405a3.jpg)
Юлларда балалар травматизмы очракларын кисәтү максатыннан, 22 майдан алып 5 июньгә кадәр Казан Дәүләт автоинспекциясе «Игътибар, балалар» оператив-профилактик чарасы уздыра.
Казанның Сибгат Хәким урамында үткәрелгән рейдта инспекторлар балалаларын махсус кәнәфигә утыртмаган йөртүчеләрне туктатты. Рейдта «Татар-информ» хәбәрчесе дә булды.
«Бала – мөһим пассажир» дигән рейдларыбызның төп максаты – балалар травматизмын кисәтү, бәхетсезлек очракларын булдырмау. Агымдагы елның 4 ае эчендә 42 юл һәлакәте теркәлде. Бу аварияләрдә 44 бала төрле дәрәҗәдәге җәрәхәтләр алды», – диде Казан Дәүләт автоинспекциясе бүлеге җитәкчесе урынбасары, полиция капитаны Рафаэл Абдрәхимов.
Әлеге көнгә оператив-профилактик чара барышында 22 майдан бирле 100дән артык беркәтмә төзелгәне билгеле. Инспекторлар билгеләвенчә, рейдлар өчен шәһәрнең күңел ачу урыннарына, мәгариф оешмаларына якын юллар сайлана. Шул максаттан, көн дәвамында ДАИ берничә экипажы эшли.
Дәүләт автоинспекциясе ата-аналарны балаларның иминлегенә җитди карарга чакыра. Автокресло сатып алуда экономияләнгән акча баланың гомерен саклап калмаячак. Дәүләт автоинспекциясе кисәтә: балаларны автомобиль салонында тотып торучы җайланмалар кечкенә пассажирларны юл-транспорт һәлакәтләрендә җәрәхәтләнүдән һәм үлүдән саклаучы иң ышанычлы чара булып тора.
Кызыклы яңалыкларны күзәтеп бару өчен Телеграм-каналга язылыгыз