Хәвеф-хәтәр 22 ноябрь 2017 07:26

Казан дары заводында янгын чыккан

Халыкка куркыныч янамый, ди Гадәттән тыш хәлләр министрлыгы.

Скопировать ссылку

(Казан, 22 ноябрь, “Татар-информ”). Бүген иртән Казанның дары заводында янгын чыккан. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән җиткерделәр.

6.33 сәгатьтә ашыгыч хезмәтләрне чакырту 112 бердәм телефон номерына Дары заводы территориясендә янгын чыгу турында хәбәр ителә. Ул вакытка янгынның мәйданы билгеле булмый.

Урынга килгән янгын сүндерүчеләр завод биләмәсендә аерым торган бинаның түбәсе януын ачыклый. 6.45 сәгатькә янгын чикләп алына. Халыкка куркыныч янамый, ди Гадәттән тыш хәлләр министрлыгы.

#Дары заводы #янгын

Сәхифәләр

Казан дары заводында янгын чыккан