Фән һәм мәгариф 22 март 2018 10:17

Казан дәүләт аграр университетының агрономия факультетында Ачык ишекләр көне була

Абитуриентлар һәм аларның ата-аналары быел югары уку йортына керү үзенчәлекләре белән якыннан таныша алачак.

Скопировать ссылку

(Казан, 22 март, "Татар-информ"). 24 мартта Казан дәүләт аграр университетының агрономия факультетында Ачык ишекләр көне була. Бу турыда Татарстан авыл хуҗалыгы һәм азык-төлек министрлыгы матбугат хезмәте хәбәр итте.

Чара кысаларында абитуриентлар һәм аларның ата-аналары аудиторияләрне карап чыга, университетның оешу тарихы, агрономия факультетының юнәлешләре һәм 2018 елда югары уку йортына керү үзенчәлекләре белән якыннан таныша ала, диелгән әлеге хәбәрдә.

Ачык ишекләр көне түбәндәге адрес буенча уза: Казан шәһәре, Ферма 2 ур., 53 нче йорт (агрономия факультеты бинасы, актлар залы).

Чара 10:00 сәгатьтә башлана.

#авыл хуҗалыгы

Сәхифәләр

Казан дәүләт аграр университетының агрономия факультетында Ачык ишекләр көне була