Җәмгыять 18 июнь 2026 17:29

Казан ЦУМында балалар өчен «Иҗади каникул» җәйге интенсивы башлана

Скопировать ссылку

Казанның Уникаль осталык үзәге 22 июньнән 21 августка кадәр беренче тапкыр 7 яшьтән 14 яшькә кадәрге мәктәп укучылары өчен җәйге иҗади интенсив үткәрә. Биш көнлек сменалар программасында — мастер-класслар, йога, архитектура лабораториясе, пластика театры, пленэр, экскурсияләр һәм җилкәнле яхтинг, дип хәбәр иттеләр ЦУМның матбугат хезмәтендә.

Дәресләр яшь буенча бүленгән (7-10 яшь һәм 11-14 яшь) һәм унар кешедән торган кечкенә төркемнәрдә үтә. Смена биш эш көне дәвам итә: дүшәмбе-җомга иртәнге 10:00 сәгатьтән кичке 18:00 сәгатькә кадәр. Балаларны иртәнге 09:00 сәгатьтән китерү һәм кичке 18:30 сәгатькә кадәр алып китү мөмкинлеге дә каралган. Көн дәвамында ике тапкыр ашау оештырылган. Кураторлар көн саен ата-аналарга фотоотчетлар һәм кире элемтә җибәреп тора.

Һәр сменада яңа активлыкларда катнашу һәм яңа урыннарда булу, арт-инсталляцияләр һәм иҗади проектлар булдыру планлаштырыла. Беренче смена азагында катнашучылар уртак этюд әзерләячәкләр һәм күргәзмә оештырачак, аны соңгы көнне ата-аналарга тәкъдим итәчәкләр.

«ЦУМ һөнәрчелек традицияләрен яшь буынга тапшыру урыны итеп планлаштырылган иде. «Иҗади каникул» — ул шәһәр үзәгендә оештырылган гади интенсив кына түгел. Бу – балаларга тере һөнәрнең ничек эшләвен күрсәтү, аларга төрле техникаларда үз көчләрен сынап карарга һәм үз юлларын табарга мөмкинлек бирү чарасы. Әлеге сменадан соң балалар ЦУМга үзләренең әти-әниләрен инде экскурсовод буларак алып килерләр, дип өметләнәм», — дип билгеләп үтте ЦУМның генераль директоры Ранко Тепавчевич.

Интенсив Мәскәү урамы, 2 адресында кластерның махсус җиһазландырылган остаханәләрендә узачак. Төгәл расписание һәм мастер-класслар исемлеге һәр смена алдыннан бер атна кала ЦУМның социаль челтәрләрдәге рәсми төркемнәрендә игълан ителәчәк.

Сәхифәләр

Казан ЦУМында балалар өчен «Иҗади каникул» җәйге интенсивы башлана