Казан бозында КХЛның конференция лидерлары очраша
«Ак Барс» командасының соңгы 5 уенда СКА хоккейчыларына оттырганы юк.
(Казан, 6 декабрь, «Татар-информ»). Бүген – 6 декабрьдә Казанның «Ак Барс» хоккейчылары Континенталь хоккей лигасы даими чемпионатында Санкт-Петербургның СКА командасы белән очраша.
Матч мавыктыргыч булырга охшап тора: «Ак Барс» – Көнчыгыш конференция лидеры, ә СКА – Көнбатышта һәм гомумән чемпионатта беренче урында бара.
Шунысы игътибарга лаек: «Ак Барс» йолдызлы СКА хоккейчыларына ничек каршы торасын яхшы белгән сирәк командаларның берсе – соңгы өч сезондагы 5 очрашуда Казан командасы гына җиңеп килә. Бу сезонда, 15 октябрьдә Санкт-Петербургта узган уен да «Ак Барс»ның овертаймда җиңүе белән төгәлләнде (3:2).
КХЛ тарихындагы исә 24 матчның 13е «Ак Барс»ның өстенлеге белән төгәлләнгән.
«Татнефть Арена» боз сараендагы бүгенге матч 19.00 сәгатьтә башлана.