Мәдәният 21 декабрь 2004 17:53

«Казан – безнең уртак йортыбыз» фестивале гала–концерт белән тәмамлана

Скопировать ссылку

(Казан, 21 декабрь, «Татар–информ», Диләрә Рәхимова). 23 декабрьдә «Ак Барс» яшьләр үзәгендә «Казан – безнең уртак йортыбыз» шәһәр фестиваленең гала–концерты узачак. Шәһәрнең һәр җиде районы, шулай ук милли–мәдәни оешмалар үзләренең иң яхшы номерларын күрсәтәчәк.

1999 елдан башлап фестиваль шәһәрнең үзешчән ижат көчләрен һәм Татарстан халыкларының милли мәдәниятләрен берләштерә. Казан хакимиятенең милләтләр эшләре бүлеге фестивальне республиканың Милли–мәдәни оешмалар ассоциациясе белән тыгыз хезмәттәшлектә үткәрә. Фестиваль үз эченә район иҗат коллективлары смотрын, гамәли сәнгать күргәзмәләрен, балалар рәсемнәре бәйгеләрен, кыска метражлы фильмнар конкурсларын ала.

Татарстан Республикасы халыкларының үзенчәлекле мәдәниятләре, барыннан да элек, 30 август көнне бәйрәм чараларында ачык тәкъдим ителә.

Гала–концертта шәһәрнең алдынгы вокаль һәм бию коллективлары чыгыш ясаячак.

Сәхифәләр

«Казан – безнең уртак йортыбыз» фестивале гала–концерт белән тәмамлана