Җәмгыять 24 декабрь 2009 16:26

Казан “бердәмроссиялеләре” “Здравушка” үзәгендә тәрбияләнүчеләрне Яңа ел белән котлады

Алар Яңа ел тамашасы оештырды һәм балаларга тәм–томнар бүләк итте

Скопировать ссылку

(Казан, 24 декабрь, “Татар–информ”, Лилия Маркелова). Казанның “Здравушка” тернәкләндерү үзәгендә Яңа ел тамашасы үткәрелде. Мөмкинлекләре чикләнгән балаларны котларга “Бердәм Россия” партиясенең беренчел Кремль бүлеге вәкилләре килде.
Хәзерге вакытта үзәктә 53 бала исәпләнә. Бәйрәмгә 25 бала килгән иде. “Бердәмроссиялеләр” аларның барысына да тәм–томнар һәм йомшак уенчыклар бүләк итте. “Партия әгъзалары көче белән Кыш бабай, Кар кызы һәм әкияти җанварлар катнашында бәйрәм концерты оештырылды, – дип сөйләде “Татар–информ” агентлыгы хәбәрчесенә “Бердәм Россия” партиясенең беренчел Кремль бүлеге секретаре Ольга Воронова. – Әлеге чара партиянең Казан җирле бүлегенең “Бала, елмай!” проекты кысаларында үткәрелде”.
“Бердәмроссиялеләр” мондый акцияләрне даими рәвештә уздыра. Мисал өчен, “Здравушка” үзәгендә үткәрелүче кышкы бәйрәм күркәм традициягә әверелде. Мондый чараларны Вахитов районындагы “Бердәм Россия” партиясенең беренчел Кремль бүлеге урнашкан башка балалар социаль учреждениеләрендә дә уздыру күздә тотыла.

Сәхифәләр

Казан “бердәмроссиялеләре” “Здравушка” үзәгендә тәрбияләнүчеләрне Яңа ел белән котлады