Казан белән аэропорт арасында йөриячәк АСЕАН поездлары тукталышларсыз хәрәкәт итәчәк
Скопировать ссылку
«Казан – Аэропорт» һәм «Аэропорт – Казан» маршрутларында йөриячәк АСЕАН тамгасы төшерелгән поездлар 17 һәм 18 июньдә тукталышларсыз хәрәкәт итәчәк.
Казаннан аэропортка юл тотучы калган составлар пассажирларны Казан һәм Вахитово станцияләрендә утырта алачак. Вахитово станциясеннән соң аэропортка таба юнәлештә бары тик пассажирларны төшерү генә мөмкин булачак.
Аэропорттан Казанга баручы поездлар маршрут буенча пассажирларны утырту һәм төшерүне дәвам итәчәк.