Авыл 1 октябрь 2009 15:55

Казан базарларында янә авыл хуҗалыгы ярминкәләре уза

Авыл хуҗалыгы продукциясе белән инвестор предприятиеләре тәэмин итәчәк

Скопировать ссылку

(Казан, 1 октябрь, «Татар-информ», Ирина Игнатьева). Шимбә Казан базарларында ТР инвесторлары предприятиеләре тарафыннан оештырылган авыл хуҗалыгы ярминкәләре уза. Бу хакта “Татар-информ” мәгълүмат агентлыгы хәбәрчесенә ТР Авыл хуҗалыгы һәм азык-төлек министрлыгында белдерделәр.
Идел буе базарында “РАЦИН” һәм “Татплодоовощпром” концерны сәүдә итәчәк. Чехов базарында “Вамин” ААҖ продуктларын сатып алырга мөмкин була. Мәскәү һәм Киров районы базарларында “Татарстан кулланучылар берлеге” предприятиеләре бәрәңге, яшелчә һәм башка авыл хуҗалыгы продукциясе белән сату итәчәк. Яңа Савин районы базарына килүчеләргә “Алтын башак” ААҖ һәм “Полимэкс” ААҖ яшелчә, ит, сөт тәкъдим итәчәк. Ә Авиатөзлеш районында яшәүчеләрне авыл хуҗалыгы продукциясе белән “Кызыл Шәрык” ААҖ һәм “Агро-Инвест” ЯАҖ тәэмин итәчәк.
Зәкиев урамында сәүдә рәтләрен “Болгар-Арыш” оештырачак. Дәрвишләр бистәсе базарына “Ак Барс холдинг компаниясе” ААҖ һәм “Сервис-Агро” ҖЧҖ авыл хуҗалыгы продукциясе китерәчәк.

Сәхифәләр

Казан базарларында янә авыл хуҗалыгы ярминкәләре уза