Авыл 16 октябрь 2009 18:34

Казан базарларында авыл хуҗалыгы ярминкәләре уза

Арзан бәядән сөт, ит, ярма һәм башка тауарларны алырга мөмкин булачак

Скопировать ссылку

(Казан, 16 октябрь, «Татар-информ», Ирина Игнатьева). Иртәгә Казан базарларында авыл хуҗалыгы ярминкәләре уза. Анда ТР районнарының тауар җитештерүчеләре катнаша. Бу хакта “Татар-информ” мәгълүмат агентлыгы хәбәрчесенә ТР Авыл хуҗалыгы һәм азык-төлек министрлыгында белдерделәр.
Чехов базарына Нурлат һәм Саба районнары хезмәтчәннәре продукция алып киләчәк. Мәскәү базарында Балтач һәм Буа районы җитештерүчеләре сәүдә итәчәк. Идел буе районында Әтнә һәм Лаеш районнары агросәнәгать комплексы хезмәткәрләре, шулай ук “Татплодоовощпром” ЯАҖ казанлыларга сөт, ит, ярма, азык-төлек продуктлары, шулай ук терлек һәм ашлык фуражы тәкъдим итәчәк.
Яңа Савин районында Кукмара һәм Яңа Чишмә районы хезмәтчәннәрен күрергә мөмкин. Авиатөзелеш районында Биектау районы тауар җитештерүчеләре сәүдә итәчәк. Тәтеш районы хезмәтчәннәре продукцияләрен Киров районына алып киләчәк. Дәрвишләр бистәсе базарында “Сервис-Агро” ҖЧҖ хезмәткәрләре үз продукцияләре белән сәүдә итәчәк. Зәкиев урамындагы базарда (Совет районы) Балык Бистәсендә җитештерелгән бәрәңге һәм яшелчәләрне сатып алып була.

Сәхифәләр

Казан базарларында авыл хуҗалыгы ярминкәләре уза