Авыл 23 октябрь 2009 17:05

Казан базарларында 30 миллион сумлык авыл хуҗалыгы продукциясе сатылачак

Шимбә көнне Татарстан башкаласында авыл хуҗалыгы ярминкәләре узачак

Скопировать ссылку

(Казан, 23 октябрь, “Татар–информ”, Ирина Игнатьева). Иртәгә Казанда авыл хуҗалыгы ярминкәләре узачак. Анда 30 миллион сумлык продукция сату күздә тотыла. ТР башкаласына тауарлар 400 машинада китереләчәк. Бу хакта “Татар–информ” агентлыгына ТР Авыл хуҗалыгы һәм азык–төлек министрлыгыннан хәбәр иттеләр.
ТР агросәнәгать комплексы предприятиеләре казанлыларга арзан бәядән үз продукцияләрен тәкъдим итәчәк. 900 тонна бәрәңге, 150 тоннадан артык кәбестә, 100 әр тонна кишер һәм суган, 27 тонна сөт, 129 тонна шикәр комы, 47 тонна ит, 150 баш терлек алып килү күздә тотыла. Моннан тыш, ярма, катнаш азык һәм башка тауарлар да сатылачак.

Сәхифәләр

Казан базарларында 30 миллион сумлык авыл хуҗалыгы продукциясе сатылачак