Казан баскетболчылары Литвадан җиңү алып кайта
“УНИКС” баскетбол командасы “Ритас”ны 81:87 исәбе белән җиңде.
Скопировать ссылку
(Казан, 13 ноябрь, “Татар-информ”, Гөлия Хәсбиуллина). Бүген Казанның “УНИКС” баскетбол командасы Еврокубок кысаларында Вильнюсның “Ритас” командасына каршы уйнады. Казан баскетболчылары җиңү яулады. Уен Литва башкаласы Вильнюс шәһәрендә узды.
Беренче чирек исәбе – 18:18.
Икенче чирек – 43:35. “Ритас” командасы өстенлекне алды.
Өченче чиректә Казан баскетболчылары бер очкога өстенлек алды – 58:59.
Дүртенче чирек “УНИКС” командасы файдасына 81:87 исәбе белән төгәлләнде.
Шулай итеп, бу уенда Казанның “УНИКС” баскетбол командасы җиңде.
Киләсе уенны “УНИКС” Казанда “Нижний Новгород” командасына каршы үткәрәчәк. Уен 17 ноябрь “Баскет-холл”да узачак.