news_header_top_970_100
news_header_bot_970_100

Казан баскетбол лигасы татар телен яклап чыккан

Лиганың 7 нче тур уеннары вакытында татар җырлары гына яңгыраячак.

(Казан, 1 декабрь, “Татар-информ”, Фәрит Салихов). “Үз тамырларыңны онытма!” КазБас: баскетбол һәм стритбол лигасының татар телен яклап игълан иткән акцияләренең шигаре шундый. Бу хакта акциянең оештыручылары лиганың социаль челтәрдәге рәсми төркемдә хәбәр итә.

“Үз тамырларыңны онытма! Татар телен яклау билгесе буларак, лигадагы 7 нче тур уеннары вакытында барлык музыка фәкать татар телендә яңгыраячак. Әйдә, уйныйбыз!” – диелә хәбәрдә.

Рәсми төркемдә моның өчен социаль челтәрдән кулланучылар шәрехләр рәвешендә үзләренә ошаган татар җырларын тәкъдим итә дә башлаган инде. Алар арасында “Туган як”, “Эх, алмагачлары”, “Мин сине яратам” һәм башка дистәләгән популяр җырлар бар.

КазБас лигасының 7 нче тур уеннары 2 һәм 3 декабрь көннәрендә “КАИ-Олимп” һәм “Акимбо” комплексларында уза.

news_right_column_1_240_400
news_right_column_2_240_400
news_bot_970_100